O‘zi o‘pirildimi yoki ataylab buzishdi? - Kaxovka to‘g‘oniga nima bo‘ldi

Kaxovka GESi to‘g‘oni yorilishi jiddiy humanitar oqibatlarga olib keladi, Ukraina iqtisodiyotiga salbiy ta’sir o‘tkazadi va urushning borishida ham o‘z aksini topish ehtimoli bor. Ayni paytda Ukraina to‘g‘onni buzishda Rossiyani ayblamoqda, Rossiya bunga qarshi ayblovlarni ilgari surmoqda, ekspertlar esa o‘pirilish Xerson oblastida yozda va kuzda bo‘lib o‘tgan janglar oqibati o‘laroq ro‘y bergan bo‘lishi mumkinligi borasida bahslashishmoqda.