Volin qirg‘ini. Polyak-ukrain millatchiligi kurashining eng qora sahifasi

Polsha yetakchisi Anjyey Duda 9 iyul kuni kutilmaganda Ukrainaning Lutsk shahriga tashrif buyurdi va Ukraina prezidenti Volodimir Zelenskiy bilan birga «Volin fojiasi» qurbonlari xotirasiga hurmat bajo keltirdi. Ko‘pchilik bu qadamni o‘ta ijobiy deb atamoqda, chunki Varshava tomonidan polyak xalqi genotsidi deya ta’kidlangan ushbu qirg‘in bo‘yicha pozitsiyalar Ukraina va Polsha o‘rtasida qarama-qarshilikka sabab bo‘lgandi.