Toshkent viloyatida «narkolaboratoriya» tashkil qilgan shaxslar ushlandi
Sintetik giyohvandlik vositalarni tayyorlashda ishtirok etgan 43 yoshli erkak va 21 yoshli ayol qo‘lga olindi.
Toshkent viloyati, Olmaliq shahrida yashirin «narkolaboratoriya» tashkil qilgan shaxslar ushlandi. Bu haqda IIBB axborot xizmati xabar berdi.
Qayd qilinishicha, 40 yoshli fuqaro gumonlanib, tekshirilganda yonida 0,36 gramm «mefedron» sintetik giyohvandlik vositasi borligi aniqlangan.
Shundan so‘ng, tezkor tadbir davom ettirilib, shaxsning yashash xonadoni ko‘zdan kechirilganda, turli hajmdagi idishlarda kimyoviy, o‘tkir hidli suyuqliklar, yarimtayyor va tayyor holdagi sintetik giyohvandlik vositalari hamda ularni tayyorlashda foydalanilgan texnik vositalar topilgan.
Tadbir davomida ushbu vositalarni tayyorlashda ishtirok etgan 43 yoshli erkak va 21 yoshli ayol ham qo‘lga olingan.
Holat yuzasidan Jinoyat kodeksining 273-moddasi (Giyovandlik vositalari yoki psixotrop moddalarni o‘tkazish maqsadini ko‘zlab qonunga xilof ravishda tayyorlash, olish, saqlash va boshqa harakatlar qilish, shuningdek ularni qonunga xilof ravishda o‘tkazish) 4-qismi bilan jinoyat ishi qo‘zg‘atilib, tergov harakatlari olib borilmoqda.
Mavzuga oid
13:30
Giyohvandlik vositalari ustidan nazorat qilish davlat komissiyasi vakolatlari belgilandi
11:50
Toshkentda giyohvandlik vositalarini yashirish yo‘li bilan tarqatish holatlari fosh etildi
08:50 / 08.10.2024
Piyodalar yo‘lagida navbatdagi qurbon: Olmaliqda “peshexod”dan o‘tayotgan piyoda mashina urib ketishi oqibatida halok bo‘ldi
14:30 / 05.10.2024