Qoʻshimcha funksionallar
-
Tungi ko‘rinish
Misr O‘zbekiston avtomobilsozlik sanoati uchun mahsulotlar ishlab chiqarmoqchi
O‘zbekistonning Misrdagi elchisi Mansur Qilichev ishtirokida “O‘zavtosanoat” va Elsewedy Electric bosh direktori Abdulaziz Gamal o‘rtasida video-konferens-aloqa orqali muzokaralar o‘tkazildi, deb xabar bermoqda “Dunyo”.
Foto: evu.uz
Uchrashuvda avtomobilsozlik sanoati ehtiyojlari uchun kabel va sim mahsulotlari ishlab chiqarishni mahalliylashtirishga Misr tomonidan investitsiya jalb qilish, shuningdek, mamlakat eksporti geografiyasini birgalikda kengaytirish masalalari muhokama qilindi.
Uchrashuvda O‘zbekiston avtosanoati uchun ehtiyot qismlar ishlab chiqarishni mahalliylashtirishga yo‘naltirilgan sarmoyaviy hamkorlikni rivojlantirish yo‘llarini o‘rganish maqsadida muvofiqlashtirish va tezkor axborot almashish uchun mas’ul xodimlar tayinlandi.
Loyihaning texnik xususiyatlari, hajmlari va yer uchastkasi haqida ma’lumot olingandan so‘ng, batafsil muhokama uchun seminarlar o‘tkazishga ham kelishib olindi.
Shu o‘rinda qayd etish joizki, Elsewedy Electric transmilliy kompaniyasi 1938 yilda tashkil etilgan bo‘lib, 17 ming nafar xodimga ega. Uning aktivi – 6 milliard dollar, yillik daromadi – 3 milliard dollarni tashkil qiladi.
Mavzuga oid
13:38 / 08.11.2024
Misr Toshkent viloyatida ko‘chmas mulk sohasiga investitsiya kiritmoqchi
10:53 / 07.11.2024
Misr Samarqand viloyati tuman va shaharlarida suv ta’minoti tizimini modernizatsiya qilishi mumkin
12:32 / 06.11.2024
Misr Navoiydagi mis konida burg‘ilash ishlarini boshladi
10:00 / 31.10.2024