Qoʻshimcha funksionallar
-
Tungi ko‘rinish
O‘zbekistonning BMTdagi doimiy vakili o‘zgardi
Ulug‘bek Lapasov O‘zbekistonning BMTdagi yangi doimiy vakili etib tayinlandi.
Foto: twitter.com/orbisswissphoto
U bungacha O‘zbekistonning Jyeneva shahridagi BMT bo‘limi va boshqa xalqaro tashkilotlardagi doimiy vakili lavozimida ishlagan. U bu lavozimga 2018 yil iyul oyida tayinlangan.
Bungacha O‘zbekistonning BMTdagi doimiy vakili Baxtiyor Ibrohimov bo‘lgan. U 2017 yilning may oyidan beri Nyu-Yorkda ishlab kelayotgandi. 2020 yil noyabr oyida prezident farmoni bilan Baxtiyor Ibrohimovga oliy diplomatik unvon – favqulodda va muxtor elchi maqomi berilgan edi.
2022 yil avgust oyida Ulug‘bek Lapasovga 2-darajali favqulodda va muxtor elchi unvoni berildi.
2021 yil noyabr oyida Osiyo-Tinch okeani mintaqaviy guruhiga a’zo davlatlar Ulug‘bek Lapasovning 2022 yil uchun BMT Inson huquqlari kengashi raisi o‘rinbosari lavozimiga nomzodini bir ovozdan qo‘llab-quvvatlagani xabar qilingan edi.
Ulug‘bek Lapasov 1982 yilda Samarqand shahrida tug‘ilgan. 2016 yilda O‘zbekistonning BMT va boshqa xalqaro tashkilotlardagi doimiy vakilining Shveytsariyadagi maslahatchisi etib tayinlangan.
Mavzuga oid
21:30
COP29: Boy davlatlar iqlimni moliyalashtirishni oshirishga rozi bo‘ldi
17:39
2024 yilda gumanitar yordam xodimlari o‘limi bo‘yicha rekord o‘rnatildi – BMT
07:50 / 22.11.2024
BMT RFning Dniproga ballistik raketa zarbasidan xavotirda
15:22 / 21.11.2024