Toshkentda yangi avtobus yo‘nalishi tashkil etiladi

«Toshshahartransxizmat» xabariga ko‘ra, 171-sonli avtobus «Bo‘zsuv markazi – Chilonzor metrosi» yo‘nalishida harakatlanadi.

Yo‘nalish harakati Toshkent viloyati, Zangiota tumani, Bo‘zsuv qishlog‘idan 4K716, M-39 avtomobil yo‘llari va Bunyodkor shohko‘chasi orqali «Chilonzor» metro bekatiga qadar, ish tartibi soat 5:30 dan 21:10 gacha etib belgilangan.

Mazkur yo‘nalishda xizmat ko‘rsatish huquqi «7-Avtobus saroyi» filialiga berilgan, yo‘nalishda kichik sig‘imli Isuzu avtobuslari harakatlanishi belgilangan.

Yangi yo‘nalish prezident qaroriga asosan, yo‘lovchilarga ko‘rsatilayotgan transport xizmatlari sifatini oshirish maqsadida tashkil etilmoqda.