Samarqand va Bodrum o‘rtasida charter reyslari yo‘lga qo‘yiladi

Turkiyaning Freebird Airlines aviakompaniyasi Samarqand – Bodrum – Samarqand yo‘nalishi bo‘yicha to‘g‘ridan to‘g‘ri charter reyslarini yo‘lga qo‘yishni rejalashtirmoqda.

Birinchi yo‘lovchi charter reysi 7 sentabrga mo‘ljallangan. Reyslar Airbus A320 rusumidagi samolyotlarda haftasiga bir marta - payshanba kunlari amalga oshiriladi.

Freebird Airlines - 2000 yilda tashkil etilgan, bosh qarorgohi Istanbulda joylashgan turk aviakompaniyasi. Aviakompaniyaning asosiy bazasi Antaliya shahri hisoblanadi. 

Kompaniya Yevropa va Turkiya o‘rtasida xalqaro charter reyslarini, shuningdek, ichki reyslarni amalga oshiradi.