Toshkentda ayrim ko‘chalar avtomobil qatnovi uchun yopiladi

Yashnobod tumanida tarmoq quvurlarini o‘tkazish ishlari yo‘l qatnovining ma’lum qismi yopilgan holda o‘tkaziladi.

Foto: Kun.uz

10 oktyabrdan 30 oktyabrgacha issiqlik mavsumiga tayyorgarlik doirasida Yashnobod tumanida qator ko‘chalar bo‘ylab avtomobil yo‘l qatnovining ma’lum qismini yopgan holda tarmoq quvurlarini o‘tkazish ishlari olib boriladi.

Bunda, Ashrafiy va Izzat ko‘chalari chorrahasidan Birlashgan va Izzat ko‘chalari chorrahasigacha - diametri 600 mm va uzunligi 60 m quvurlar almashtiriladi.

Avtomobil qatnov yo‘li Ashrafiy va Izzat ko‘chalari chorrahasidan Beshariq va Izzat ko‘chalari chorrahasigacha yopiladi.

Mazkur ishlar issiq suv ta’minoti iste’molchilariga cheklovlarsiz amalga oshiriladi.