Qoʻshimcha funksionallar
-
Tungi ko‘rinish
Buxoroda avtomobilning davlat raqami belgilarini yashirgan haydovchi aniqlandi
Bu harakati bilan haydovchi yo‘llarda o‘rnatilgan radar qurilmalari qayd etgan jarimalarni to‘lashdan qochishga uringani aytilmoqda.
Buxoro viloyati, G‘ijduvon tumanida olib borilgan reydda Spark rusumli avtomobilning davlat raqami tekshirilganida haydovchi uni o‘zgartirgani, raqamlar ustiga boshqa belgilarni yopishtirib olgani aniqlangan. Bu haqda «O‘zbekiston 24» kanali lavhasida ma’lum qilindi.
Qayd qilinishicha, haydovchi o‘zgartirilgan raqamlar bilan 8 marta tezlikni oshirib, radarga tushgan.
«Bu harakati bilan haydovchi yo‘llarda o‘rnatilgan radar qurilmalari qayd etgan jarimalarni to‘lashdan qochishga uringan», deyiladi lavhada.
Haydovchi avtomobil onasiga tegishli ekanini bahona qilib, tezlikni oshirgani, hatto avtomobil boshqarganini ham tan olmagan.
Lavhada tekshiruvlar o‘z tasdig‘ini topgani, haydovchiga nisbatan qonuniy chora ko‘rilgani aytilgan. Jazo chorasi qanday bo‘lgani haqida ma’lumot berilmagan.
Mavzuga oid
09:51 / 21.11.2024
Buxoroning ayrim hududlarida gaz ta’minoti vaqtincha to‘xtatiladi
20:55 / 20.11.2024
“Eski, sovuq sinfxonalarda o‘qiyapmiz” – Buxoroda qurilishi bitmagan maktab-internat o‘quvchilari sarson bo‘lyapti
18:24 / 20.11.2024
Fayzulla Xo‘jayevning jiyani professor Sulaymon Inoyatov vafot etdi
14:38 / 20.11.2024