HAMAS Isroildan 5 kunlik sulh so‘radi

Evaziga garovga olinganlarning bir qismini ozod qilishni taklif etdi.

Foto: AP

HAMAS yetakchilaridan biri Ali Baraka Financial Times gazetasiga bergan intervyusida 5 kunlik otashkesim evaziga garovga olingan xorijliklarning bir qismini ozod qilishini aytdi.

Isroil fuqarolarini ozod qilish uchun qo‘shimcha shartlar qo‘yiladi, deb qo‘shimcha qildi u. Shu bilan birga, Ali Baraka HAMAS asirga olingan isroillik askarlarni qo‘yib yubormasligini va ularni o‘zaro asirlarni almashtirish uchun qoldirishini aytdi.

Isroil ma’lumotlariga ko‘ra, HAMAS a’zolari 229 kishini garovda ushlab turibdi.

27 oktyabr kuni Isroil mudofaa kuchlari (TsAXAL) G‘azo sektorida quruqlik operatsiyasi kengaytirilganini e’lon qildi. Toshkent vaqti bilan soat taxminan 22:00 da G‘azo sektoriga ommaviy zarbalar berildi. Oqibatda, hududda aloqa va internet yo‘qolib qolgani haqida xabar berildi. Shu bilan birga, sektor chegarasida Isroil tanklari va artilleriyasi yo‘l olgani aytildi.

Tayyorlagan Сардор Юсупов

#Isroil #Falastin #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.