Toshkentning bir ko‘chasida harakatlanish qisman cheklanadi

Shayxontohur tumanidagi Abdulla Qodiriy ko‘chasida ta’mirlash ishlari olib boriladi.

24 noyabr kuni Toshkent shahri, Shayxontohur tumanidagi Abdulla Qodiriy ko‘chasida transport vositalarining harakati qisman cheklanadi. Bu haqda Jamoat xavfsizligi departamenti Yo‘l harakati xavfsizligi xizmati xabar berdi.

Qayd qilinishicha, Shayxontohur tumanidagi Abdulla Qodiriy ko‘chasida Labzak ko‘chasidan Sharof Rashidov shoh ko‘chasigacha bo‘lgan qismida joriy ta’mirlash ishlari amalga oshiriladi. 24 noyabr kuni soat 9:00 dan boshlab, yo‘lning bir tarafi yopilib, har ikki yo‘nalishdagi harakat yo‘lning ikkinchi tarafidan o‘tadi.

Yo‘l harakati xavfsizligi xizmati tirbandlikning oldini olish maqsadida haydovchilarga aylanma yo‘llardan foydalanishni tavsiya qilmoqda.