Vakillar palatasi Rossiyadan uran importini taqiqlashni ma’qulladi

Rossiyadan AQShga kuchsizlantirilgan uranni olib kirishni taqiqlovchi qonunda bu cheklovlar 2040 yil oxirigacha davom etishi belgilangan.

Foto: Yevgeniy Yepanchinsev/RIA Novosti

AQSh Kongressi Vakillar palatasi Rossiyadan atom elektr stansiyalari uchun kam boyitilgan uran importini taqiqlovchi qonun loyihasini qo‘llab-quvvatladi. Bu haqda 11 dekabr kuni The Hill onlayn-nashri xabar berdi.

Ta’kidlanishicha, tashabbus ham Respublikachilar, ham Demokratik partiyalar vakillari tomonidan ma’qullangan. Matni Vakillar palatasi saytida e’lon qilingan qonun loyihasiga ko‘ra, 2040 yil 31 dekabrgacha bo‘lgan muddatga Rossiyada yoki rus kompaniyalari tomonidan ishlab chiqarilgan kam boyitilgan uranni AQShga olib kirish taqiqlanadi.

Cheklovlar qonun kuchga kirganidan keyin 90 kun o‘tgach amal qilishni boshlashi kerak, bu agar Senat tomonidan ma’qullansa va AQSh prezidenti Jo Bayden tomonidan imzolansa, amalga oshiriladi. Shu bilan birga, 2028 yil yanvarigacha vaqtinchalik istisnolar nazarda tutilgan.

AQSh Energetika vazirligining Axborot departamenti ma’lumotlariga ko‘ra, 2022 yilda Qo‘shma Shtatlardagi atom elektr stansiyalarini elektr energiyasi bilan ta’minlash uchun zarur bo‘lgan kam boyitilgan uranning xorijdan yetkazib berilishida Rossiya hissasi 12 foizni tashkil etgan.

Ayni paytda, Bloomberg yozishicha, Rossiya ishlab chiqilayotgan yangi turdagi ilg‘or yadroviy reaktorlar uchun zarur bo‘lgan HALEU (High-Assay Low-Enriched Uranium) deb nomlanuvchi maxsus yuqori boyitilgan reaktor yonilg‘isining yagona tijorat manbai hisoblanadi.

https://www.dw.com/ru/palata-predstavitelej-kongressa-ssa-odobrila-zapret-na-import-urana-iz-rf/a-67697877