Qoʻshimcha funksionallar
-
Tungi ko‘rinish
Namanganda bir oilaning 4 a’zosi is gazidan zaharlanib vafot etdi
Yangi Namangan tumanida 4 kishi pechkadan tabiiy gaz isi chiqishi oqibatida zaharlanib vafot etdi.
2023 yil 15 dekabrdan 16 dekabrga o‘tar kechasi Yangi Namangan tumanida yashovchi oilaning to‘rt nafar a’zosi is gazidan zaharlanib vafot etdi. Bu haqda Kun.uz’ga Bosh prokuratura matbuot kotibi Hayot Shamsutdinov ma’lum qildi.
1975 yilda tug‘ilgan M.M, uning turmush o‘rtog‘i 1982 yilda tug‘ilgan K.K. hamda ularning farzandlari - 2004 yilda tug‘ilgan M.M. va 2009 yilda tug‘ilgan X.M. oshxonadagi gaz plita orqali rezina shlang bilan pechkaga ulanib, gaz isi chiqishi oqibatida zaharlanib vafot etgan.
Qayd etilishicha, ularning o‘lim sabablarini aniqlash maqsadida sud-tibbiy va boshqa turdagi tegishli ekspertizalar tayinlangan. Hozirda holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.
Avvalroq, Farg‘ona viloyati O‘zbekiston tumanida bir oilaning to‘rt nafar a’zosi, erk xotin va ularning ikki nafar qizi is gazidan zaharlanib vafot etgandi.
Mavzuga oid
14:29
“Hokimning xizmat mashinasi 47 ta qoidabuzarlik sodir etgan” – YHXB Namangan shahar hokimiga javob qaytardi
18:38 / 21.04.2025
“Fuqarolarga zarar keltirmoqda” – Namangan shahar hokimi viloyat YHXBdan noqonuniy radarlarni olib tashlashni so‘radi
12:03 / 19.04.2025
“120 tezlikda tormoz ishlamay qoldi” – Namanganda ikki o‘quvchi ijaraga olingan Spark’da YTHga uchradi
21:44 / 17.04.2025