MDH kinofilmlarining oltin to‘plamiga O‘zbekistonning o‘nta filmi kiritildi 

MDH filmlarining oltin to‘plamiga O‘zbekiston kinoijodkorlari tomonidan suratga olingan 10 ta asar kiritildi. 

Loyiha MDH a’zo davlatlarining Madaniy hamkorlik kengashi ko‘magida 1995 yilda kinematografiya sohasida hamkorlik to‘g‘risidagi shartnoma asosida yaratilgan. 

Maqsad – zamonaviy tomoshabinlarni Hamdo‘stlik mamlakatlari milliy kino san’ati klassikasi bilan tanishtirish, jumladan, kinofestivallar va boshqa tadbirlar orqali. 

«Oltin to‘plam»dan 89 ta film joy olgan: Ozarboyjon (10 ta), Armaniston (8), Belarus (15), Qozog‘iston (6), Qirg‘iziston (10), Rossiya (20), Tojikiston (10) va O‘zbekiston (10). 

«Oltin to‘plam»ga kiritilgan O‘zbekistonning o‘nta filmi:

- Tohir va Zuxra (1945 y.);

- Alisher Navoiy (1947 y.);

- Mahallada duv-duv gap (1960 y.);

- Sen yetim emassan (1962 y.);

- Nozikoyim (1967 y.);

- O‘tgan kunlar (1969 y.);

- Qushlar ortidan ketgan odam (1975 y.);

- Achchiq danak (1975 y.);

- Shum bola (1976 y.);

- Alibobo va qirq qaroqchi (1980 y.).