Ramzon Qodirov hukumat amaldori o‘ldirilgan taqdirda «qonli qasos»ni talab qildi
Agar jinoyatchi topilmasa, xavfsizlik kuchlari uning qarindoshlaridan qasos olishi kerakligini ta’kidladi.
Rossiya tarkibiga kiruvchi Checheniston rahbari Ramzon Qodirov agar hukumat amaldori o‘ldirilsa, huquq-tartibot idoralari qotilning oilasiga «qonli qasos» e’lon qilishi kerakligini aytdi. Bu haqda u Checheniston hukumati yig‘ilishida gapirgan.
Shu bilan birga, 30 dekabr kuni bo‘lib o‘tgan yig‘ilishda Ramzon Qodirov agar qotillik aybdori topilmasa, uning qarindoshlaridan birini o‘ldirish kerakligini aytgan.
«Qadimdan odat bo‘lganidek, kimdir jinoyat sodir qilsa, ammo topilmasa, uning ukasi, otasini o‘ldirishgan», dedi Checheniston rahbari.
Qodirov so‘nggi paytlarda jinoyat sodir etgan shaxsdan uning qarindoshlari voz kechayotgani, natijada javobgarlikdan qutulib qolayotganidan norozi bo‘lgan. Uning ta’kidlashicha, «endi bunday harakatlar ish bermaydi».
Qayd qilinishicha, yig‘ilishda Rossiya Ichki ishlar vazirligi va Rossiya gvardiyasi xodimlari ham ishtirok etgan.
Rossiya qonunchiligiga ko‘ra, o‘lim jazosi 1997 yildan buyon taqiqlangan: sudlar o‘lim jazosi haqida qaror chiqara olmaydi, shuningdek, o‘lim jazosi ijro etilmaydi.
Mavzuga oid
21:56 / 19.09.2024
Ramzon Qodirov Cybertruck elektromobili Ilon Mask tomonidan «o‘chirib qo‘yilganini» aytdi
00:30 / 14.09.2024
Kongoda davlat to‘ntarishiga urinish ishi bo‘yicha 37 kishi o‘lim jazosiga hukm qilindi
21:36 / 30.08.2024
Rossiyaga xorijliklarni biometrik ma’lumotlar asosida kiritish taklif etildi
20:36 / 30.08.2024