Video: Toshkentda yo‘lovchilar changga to‘la iflos avtobusda tashilmoqda
Yunusobod yo‘nalishida harakatlanuvchi 50-avtobusning ichki tozaligi achinarli holatda. 10 yanvar kuni transportning ichi va atroflari chang-g‘uborga to‘lib ketganiga qaramay, u odamlarga xizmat ko‘rsatgan.
Yunusobod yo‘nalishining “Yunusobod 9-dahasi – Chingeldi mahallasi” oralig‘ida harakatlanuvchi 50-avtobusning tozaligiga e’tibor qilinmayotgani aks etgan video Kun.uzʼga kelib tushdi.
Unda transport umuman tozalanmagani, uning o‘rindiqlari, orqa oyna atroflari chang-g‘uborga to‘lib ketganini ko‘rish mumkin. Shu avtobusda bo‘lgan yo‘lovchining aytishicha, holat 10 yanvar kuni kuzatilgan. Hozirda avtobus qanday holatda ekani noma’lum.
Kun.uz videoni “Toshshahartransxizmat” matbuot xizmatiga taqdim etdi. Mas’ullar holat o‘rganilayotganini ma’lum qildi.
Eslatib o‘tamiz, 2023 yil iyundan boshlab 50-avtobusning yo‘nalishi o‘zgartirilib, uning harakati “Yunusobod 9-dahasi – Chingeldi mahallasi” oralig‘ida tashkil etilgandi. 11 ta jadval asosida 12-13 daqiqalik oraliq interval bilan yo‘lovchilarni tashishi belgilangandi.
Mavzuga oid
13:45
Buxoroda bolalar o‘limiga sababchi bo‘lgan avtobus haydovchisiga hukm o‘qildi
11:50
Toshkentda giyohvandlik vositalarini yashirish yo‘li bilan tarqatish holatlari fosh etildi
16:12 / 08.10.2024
Toshkentda tadbirkorga shartnoma tuzib berishini aytib 50 ming dollar talab qilgan shaxs ushlandi
20:33 / 07.10.2024