Toshkentda uch nafar xotiniga aliment to‘lamay yurgan shaxs qo‘lga olindi
U sud qarori bilan 15 sutkaga qamalgan.
Toshkent shahrining Yashnobod tumanida uch nafar xotiniga farzandlari ta’minoti uchun aliment to‘lamay yurgan ota ushlangan. Bu haqda Kun.uz’ga MIB axborot xizmati xabar berdi.
Ma’lum qilinishicha, MIBning Yashnobod tuman bo‘limida 3 nafar ayol foydasiga voyaga yetmagan 3 nafar farzandining moddiy ta’minoti uchun aliment pullarini to‘lashdan bo‘yin tovlab yurgan fuqaro K.S.ga nisbatan ijro ishi borligi aniqlangan.
Majburiyatini bajarmay yurgan ota qo‘lga olingan. Uning ushbu harakati jinoyat ishlari bo‘yicha Yashnobod tuman sudida ko‘rib chiqilgan. Sud qaroriga asosan erkakka nisbatan 15 sutka ma’muriy qamoq jazosi tayinlangan.
Oldinroq Bosh prokuratura huzuridagi Majburiy ijro byurosi bo‘lim boshlig‘i Nasimxon Burxonov Kun.uz muxbiri bilan suhbatda MIB ijrosida o‘rtacha 300 mingta aliment ishi borligi, har bir xodimga oyida 100 tadan aliment ishi to‘g‘ri kelayotgani haqida aytgandi.
Mavzuga oid
12:30 / 24.09.2024
O‘zbekistonda aliment to‘lovlari oshadi
11:45 / 12.09.2024
Alimentda rekord: ayol 3 nafar farzandi ta’minoti uchun sobiq eriga 1,7 mlrd so‘m to‘ladi
20:45 / 10.09.2024
Toshkentda yo‘l harakati qoidalarini 363 marta buzgan Spark xatlovga olindi
16:47 / 07.08.2024