Bojxona qo‘mitasi yo‘l harakati sohasidagi maxsus vakolatli organlar qatoriga kiritildi 

Qonunning 12-moddasiga ko‘ra, quyidagilar Bojxona qo‘mitasining yo‘l harakati sohasidagi vakolatlari hisoblanadi:

• bojxona postlari hududlarida yo‘l harakatini tashkil etish;
• bojxona postlari hududlarini yo‘l harakatini tashkil etishning texnik vositalari bilan ta’minlash;
• chet davlatlarda ro‘yxatdan o‘tkazilgan va haydovchilari O‘zbekiston hududida yo‘l harakati qoidalarini buzgan transport vositalarini O‘zbekiston hududidan olib chiqib ketayotgan haydovchilardan yoki boshqa shaxslardan O‘zbekiston hududida yo‘l harakati qoidalarini buzganlik uchun tayinlangan jarimalar undirilishini ta’minlash.

Bojxona qo‘mitasi qonunchilikka muvofiq boshqa vakolatlarni ham amalga oshirishi mumkin.

Qonun 2024 yil 21 iyuldan kuchga kiradi.