Tojikiston prezidenti aholini ikki yillik oziq-ovqat zaxirasini to‘plashga chaqirdi
Emomali Rahmon dunyoda iqlim o‘zgarishi, aholi sonining ko‘payishi, ijtimoiy-iqtisodiy vaziyatning yomonlashuvi bu masalani ayniqsa dolzarb qilib qo‘yayotganini alohida ta’kidladi.
Tojikiston prezidenti Emomali Rahmon mamlakat aholisini ikki yillik oziq-ovqat zaxiralarini yaratishga chaqirdi.
«So‘nggi yillarda men har doim aytganman, mamlakatdagi har bir oila ikki yilga yetadigan zarur oziq-ovqat mahsulotlari bilan ta’minlanishi kerak», dedi prezident har yili nishonlanadigan Sada bayrami sharafiga yuborilgan tabrigida.
Rahmon dunyoda iqlim o‘zgarishi, aholi sonining ko‘payishi, ijtimoiy-iqtisodiy vaziyatning yomonlashuvi bu masalani ayniqsa dolzarb qilib qo‘yayotganini alohida ta’kidladi.
Shu nuqtai nazardan, ikki yilga mo‘ljallangan oziq-ovqat zaxiralarini yaratish, uning fikricha, mamlakat oziq-ovqat xavfsizligini ta’minlashning muhim chorasiga aylanadi.
«Har bir inson yanada ko‘proq mehnat qilishi, yer-suvdan unumli va oqilona foydalanishi, imkon qadar ko‘proq mahsulot ishlab chiqarishi, milliy strategik maqsad – mamlakatimiz oziq-ovqat xavfsizligini muhofaza qilishga o‘z hissasini qo‘shishi zarur», deb ta’kidladi prezident.
Mavzuga oid
09:23
Tojikiston Rossiya bilan o‘rtoqlik o‘yiniga rad javob berdi. Turkmaniston, Suriya va Pokiston bilan muzokara davom etmoqda
21:22 / 04.10.2024
Rossiyada noqonuniy migratsiya tugatilgani e’lon qilindi
18:54 / 28.09.2024
Rossiyada O‘zbekiston fuqarolariga pasport olishda noqonuniy yordam bergan jinoiy guruh ushlandi
22:34 / 11.09.2024