OAV: IShID Moskvadagi terakt uchun mas’uliyatni gardaniga oldi

Foto: Vedomosti

Moskvadagi «Krokus» konsert zadida sodir etilgan terakt ortida IShID turibdi. Bu haqda bir qator yirik nashrlar terroristik tashkilotga aloqador Telegram-kanalga asoslanib xabar bergan.

«IShID Moskvadagi hujum uchun mas’uliyatni o‘z zimmasiga oldi. Bu haqda Amaq agentligi Telegram sahifasida aytilgan. IShID jangarilari Moskva atrofida hujumlar amalga oshirib, yuzlab odamlarni o‘ldirib, yaralagani va keyinchalik yashiringani haqida xabar bergan. Hujum tafsilotlari keltirilmagan», deyiladi Reuters xabarida.

Moskvadagi terakt: asosiy ma’lumotlar

CNN ham aynan Amaq agentligi xabariga asoslanib IShID Moskvadagi terakt uchun javobgarlikni gardaniga olgani haqida yozdi. Hozircha bu ma’lumotlar hech qaysi rasmiy manba tomonidan tasdiqlangani yo‘q.

Tayyorlagan Ўткир Жалолхонов

#Moskva #terakt #Krokus Siti Holl

Rossiyaning Moskva viloyati, Krasnogorsk shahridagi «Krokus Siti Xoll» konsert zalida otishma yuz berdi. Mahalliy OAV xabarlariga ko‘ra, noma’lum shaxslar avtomat miltiqdan odamlarga qarata o‘q uzgan.