Qoʻshimcha funksionallar
-
Tungi ko‘rinish
Eron Isroilga javob zarbasini berish fikridan qaytish shartini ma’lum qildi
Agar BMT Xavfsizlik Kengashi Isroil rasmiylarining harakatlarini qoralasa, Eron Isroilga zarba berish fikridan voz kechishi mumkin.
Foto: Reuters
«Agar BMT Xavfsizlik Kengashi «sionistik rejim»ning Damashqdagi diplomatik binolarimizga nisbatan berilgan tajovuzkor zarbasini qoralaganida va keyinchalik aybdorlarni javobgarlikka tortganida edi, Eron tomonidan bu soxta rejimni jazolash zaruratining oldini olish mumkin edi», deyiladi Eron diplomatik missiyasi bayonotida.
Eron Isroil davlatini an’anaviy tarzda «sionistik rejim» deb ataydi.
1 aprel kuni Eronning Suriyadagi konsulligiga berilgan havo zarbasi oqibatida bir necha eronlik zobit va diplomat, jumladan, Eron harbiylarining elitasi bo‘lgan Islom inqilobi qo‘riqchilari korpusining yuqori martabali generallari halok bo‘ldi.
Eron hujumda Isroilni aybladi va qasos olishga va’da berdi. Isroil zarbalar mas’uliyatini o‘z zimmasiga olmadi, biroq, agar Eron javob qaytarsa, uning atom sanoati va atom energetikasi obektlarini o‘qqa tutishga tayyorligini ma’lum qildi.
Germaniya tashqi ishlar vaziri Annalena Berbok eronlik hamkasbi Husayn Amir Abdullohiyonni vaziyat yanada avj olmasligi uchun «maksimal vazminlikka» chaqirdi.
Rossiya o‘z fuqarolaridan ehtiyot yuzasidan mintaqaga sayohat qilmaslikni so‘radi.
AQSh prezidenti Jo Bayden Isroilni qo‘llab-quvvatlashini ma’lum qildi. «Biz Isroil xavfsizligini himoya qilish uchun qo‘limizdan kelgan barcha ishni qilish niyatidamiz», dedi Bayden.
Eron–Isroil urushi
Mavzuga oid
16:46
TSAHAL tekshiruvi: G‘azoda shifokorlar o‘limiga «operativ anglashilmovchilik» sabab bo‘lgan
12:27
Asirlarni ozod qilishga tayyor HAMAS, Sudandagi jim genotsid va Tramp deportatsiyasini to‘xtatgan sud - kun dayjesti
09:32
Eron armiyasi sun’iy intellektga asoslangan o‘ta maxfiy quroli borligini ma’lum qildi
08:58