Rossiyaning Kursk oblastida migrantlarga taksi haydovchisi sifatida ishlash taqiqlandi
Rossiya regionlarining taxminan uchdan bir qismida migrantlar ishlashi mumkin bo‘lgan sohalar bo‘yicha cheklovlar mavjud.
Kursk oblasti gubernatori Roman Starovoyt mehnat migrantlarining mintaqada taksi haydovchisi bo‘lib ishlashini taqiqlovchi farmonni imzolaganini ma’lum qildi.
Amaldor bungacha ijtimoiy tarmoqda bunday cheklovlarni joriy etish zarurligi haqida so‘rov o‘tkazgan edi. So‘rovda 42 mingdan ortiq kishi ishtirok etgan, ularning 82 foizi taqiqni qo‘llab-quvvatlagan.
«Boshqa hududlardagi vaziyatni tahlil qilamiz, biroq Kursk oblastida migrantlar ko‘p emas», deb yozdi Starovoyt ijtimoiy tarmoqda.
Gubernator, shuningdek, barcha xorijliklar «Rossiya fuqaroligini olish va istalgan faoliyat sohasida ishlashni davom ettirish imkoniyatiga ega»ligini qo‘shimcha qildi.
«Agenstvo» nashri hisob-kitoblariga ko‘ra, Rossiya regionlarining taxminan uchdan bir qismida migrantlar ishlashi mumkin bo‘lgan sohalar bo‘yicha cheklovlar mavjud.
Mavzuga oid
20:24 / 01.10.2024
Moskvada migrantlarga soxta hujjat tayyorlagan jinoiy guruh qo‘lga olindi
23:16 / 30.09.2024
Rossiyada migrantlar farzandlari maktabga imtihon bilan qabul qilinishi mumkin
19:12 / 30.09.2024
Rossiyada noqonuniy migrantlar reyestri e’lon qilinadi
18:57 / 29.09.2024