O‘zbekiston Qozog‘istonga 4 milliard kub metrga yaqin suv yetkazib berdi
Sug‘orish davri yakuniga qadar O‘zbekiston Qozog‘istonga yana 1 milliard kub metrga yaqin suv berishi kutilmoqda.
1 apreldan buyon O‘zbekiston Qozog‘istonga Sirdaryo orqali 3,9 milliard kub metr suv yetkazib berdi. Sug‘orish davri yakuniga qadar O‘zbekiston Qozog‘istonga yana 1 milliard kub metrga yaqin suv berishi kutilmoqda. Bu haqda Qozog‘iston Respublikasi Suv xo‘jaligi va irrigatsiya vazirligi matbuot xizmatiga tayanib «Ak Jayik» xabar berdi.
Avvalroq suv xo‘jaligi va irrigatsiya vaziri Nurjan Nurjigitov O‘zbekiston tomoni bilan Qozog‘istonga 6 oy ichida 3,7 milliard kub metr suv berishini kelishib olgan edi. Biroq, O‘zbekiston tomoni belgilangan hajmdagi suvni 4 oyda jo‘natib, o‘z majburiyatlarini muddatidan oldin bajardi.
Sug‘orish davri yakuniga qadar O‘zbekiston Qozog‘istonga 1 milliard kub metrga yaqin suv berishi kutilmoqda. Bu ishlar Qozog‘istonning janubiy viloyatlari fermerlarining ehtiyojlarini qondirish maqsadida amalga oshirilmoqda.
Bugungi kunda Chordara suv omborini to‘ldirish hajmi 2,6 milliard kub metrni tashkil etib, o‘tgan yilga nisbatan 689 million kub metrga ko‘pdir. Chordara suv omboriga jami 3,9 milliard kub metr suv quyilgan.
Chordara suv omboridan Sirdaryoning quyi oqimiga 3,6 milliard kub metr suv yuborildi, bu o‘tgan yilga nisbatan 950 million kub metrga ko‘pdir. Qizilqum kanaliga 700 million kub metrdan ortiq, Shimoliy Orol dengiziga 400 million kub metrdan ortiq suv quyilgan.
Mavzuga oid
22:59 / 24.09.2024
Mang‘istov-Nukus yo‘nalishida harakatlanayotgan poyezdda yong‘in yuz berdi
21:24 / 24.09.2024
Rossiya xavfsizlik kuchlari Ukrainaga qarshi urushdan bosh tortgan harbiyni Qozog‘istondan o‘g‘irlab ketdi
18:31 / 23.09.2024
Qozog‘iston va O‘zbekiston Sirdaryoda 10 ta gidropost tashkil qiladi
20:09 / 20.09.2024