Xitoy Rossiyaga qurol yetkazib bermasligiga tasdiq bor - Zelenskiy
Zelenskiyning so‘zlariga ko‘ra, Xitoy Ukrainaning hududiy yaxlitligi va suverenitetini qo‘llab-quvvatlaydi.
Ukraina prezidenti Volodimir Zelenskiy Xitoy Rossiyaga qurol-yarog‘ yetkazib bermasligi haqida yangi tasdiq borligini aytdi. Bu haqda davlat rahbari ukrainaliklarga kechki murojaatida aytdi.
Xususan, Zelenskiy shu kunlarda Xitoyga tashrif buyurgan tashqi ishlar vaziri Dmitriy Kuleba hamkasbi bilan muzokaralar o‘tkazganini va uchrashuv yakunlari haqida hisobot berganini eslatdi.
«Ukrainalik mansabdor shaxsning ko‘p yillar davomida birinchi marta Xitoyga tashrifi yuz berdi, bu yaxshi. Xitoyning Ukraina hududiy yaxlitligi va suverenitetini qo‘llab-quvvatlashi haqida aniq signal bor. Shuningdek, Xitoy Rossiyaga qurol yetkazib bermasligi haqida tasdiq bor, bu haqda rais Si Jinping ham aytgan. Ukrainaga qaytganidan keyin vazirdan batafsil hisobot kutaman», deb ta’kidladi Zelenskiy.
Ukraina tashqi ishlar vaziri Kuleba Xitoyda Ukraina qachon Rossiya bilan muzokaralarga tayyor bo‘lishini tushuntirdi. Xususan, vazir Rossiya vijdonan muzokaralar olib borishga tayyor bo‘lsagina muzokaralar o‘tkazilishini, biroq hozir Rossiyaning bunga tayyorligi kuzatilmayotganini aytdi.
Mavzuga oid
21:24 / 24.09.2024
Rossiya xavfsizlik kuchlari Ukrainaga qarshi urushdan bosh tortgan harbiyni Qozog‘istondan o‘g‘irlab ketdi
20:10 / 24.09.2024
Rossiya qo‘shini Vuhledarni qurshab olmoqda. Bu katta strategik ahamiyatga ega shahar sanaladi
16:32 / 24.09.2024
Tver oblastidagi qurol omborlarining ukrain dronlari hujumidan keyingi ko‘rinishi e’lon qilindi
08:30 / 24.09.2024