Samarqandda mast haydovchi ikki kishining umriga zomin bo‘ldi
Hodisa Kattaqo‘rg‘on tumanidagi mahallalardan birida, ichki yo‘lda sodir bo‘lgan.
Samarqand viloyati Kattaqo‘rg‘on tumanida haydovchi mast qiluvchi ichimlik ta’sirida mashina boshqarib ikki kishining o‘limiga sababchi bo‘lgan. Bu haqda “Markaziy studiya” informatsion dasturida xabar berilgan.
Ma’lum bo‘lishicha, 2024 yil 17 avgust kuni mast qiluvchi ichimlik iste’mol qilib Lasetti mashinasini boshqargan haydovchi Kattaqo‘rg‘on tumanidagi ichki yo‘llardan birida boshqaruvni yo‘qotgan.
So‘ng mashina fuqarolardan biriga tegishli uyning darvozasiga zarb bilan urilgan. Oqibatda mashinada yo‘lovchi sifatida ketayotgan ikki nafar keksa yoshdagi fuqaro og‘ir tan jarohatlari olib voqea joyida halok bo‘lgan. Yana ikki kishi tan jarohatlari olgan.
Qayd etilishicha, hodisa yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga oid
09:54 / 20.09.2024
Samarqandda qizlarni O‘mon davlatiga fohishalikka jo‘natgan ayollarga sud hukmi o‘qildi
12:16 / 14.09.2024
Samarqandda OIIB boshqaruvchilar kengashi yillik yig‘ilishi o‘tkaziladi
17:12 / 13.09.2024
Samarqandda maktabda qarta o‘ynagan direktor ishdan olindi
22:29 / 12.09.2024