Toshkentda o‘zgalarning avtomobillarini olib qochgan shaxslar ushlandi
Yashnobod tumanida ikki nafar 20 yoshli yigit o‘zgalarga tegishli bo‘lgan ikkita Damas avtomashinasini olib qochdi.
Toshkent shahri Yashnobod tumanida avtoturargohda turgan Damas`ni olib qochgan yigitlar 7 yilda ozodlikdan mahrum qilindi.
Poytaxt IIBB xabariga ko‘ra, holat 2023 yil 12 dekabr kuni tumanning Tarnovboshi mahallasi hududida sodir bo‘lgan. Ular dastlab fuqaro M.T.ga tegishli bo‘lgan Damas`ni olib qochgan.
Ammo u yo‘lda o‘chib qolgach, yigitlar boshqa Damas`ga o‘tirib, uni ham haydab ketgan. Huquqbuzarlar o‘g‘irlangan mashinada ketayotganda ularni yo‘l-patrul xizmati xodimlari tomonidan to‘xtatilgan.
Jinoyat ishlari bo‘yicha Yashnobod tuman sudi ularni Jinoyat kodeksining 267-moddasi (Transport vositasini olib qochish) bilan aybli deb topdi.
Mazkur kodeksning 57-moddasini qo‘llangan holda, yigitlar 7 yilga ozodlikdan mahrum qilindi.
Mavzuga oid
13:29 / 14.10.2024
2024 yilning 9 oyida UzAuto Motorsʼning O‘zbekiston bozoridagi ulushi 89 foizni tashkil qildi
18:35 / 13.10.2024
IIV Toshkentda kvadroberlar paydo bo‘layotganidan ogohlantirdi
17:25 / 13.10.2024
Pora bilan qochgan tergovchi va havosi buzilgan Toshkent - hafta dayjesti
12:36 / 13.10.2024