Qoʻshimcha funksionallar
-
Tungi ko‘rinish
HAMAS Sinvarning vorisi kimligini yashirishga harakat qilmoqda - OAV
Manbalarning aytishicha, bunday choralar HAMAS Siyosiy byurosining yangi rahbarini Isroil tomonidan ehtimoliy ta’qiblardan himoya qilishi mumkin.
Foto: Yousef Masoud/Keystone Press Agency/Global Look Press
HAMAS Siyosiy byurosi rahbari lavozimiga ehtimoliy nomzodlar orasida Muhammad Darvish, Xalil al-Hayya, Muhammad Nazzol va Xolid Mashal bor, deb yozdi Asharq Al Awsat o‘z manbasiga tayanib.
Nashrning ta’kidlashicha, HAMAS yangi yetakchining kimligini yashirishga harakat qilmoqda. Harakat vakillarining aksariyati uning lavozimga tayinlanganidan keyin xavfsizlik nuqtai nazaridan ismi sir tutilishi tarafdori.
Manbalarning aytishicha, bunday choralar HAMAS Siyosiy byurosining yangi rahbarini Isroil tomonidan ehtimoliy ta’qiblardan himoya qilishi mumkin. Harakat, shuningdek, muzokaralar qayta boshlangan taqdirda qarorlarni kim qabul qilishi borasida Isroil rasmiylarini chalg‘itmoqchi.
Isroil rasmiylarining bildirishicha, HAMAS yetakchisi Yahyo Sinvar 16 oktyabr kuni o‘ldirildi. U avgust oyida o‘zidan oldingi rahbar Ismoil Haniya o‘ldirilganidan keyin, uning o‘rniga tayinlangan edi.
Mavzuga oid
13:03
Safini kengaytirib olgan HAMAS, Ukraina shaharlariga raketa hujumi va Suriyadagi bazalarini yopayotgan AQSh - kun dayjesti
13:46 / 18.04.2025
Falastinni tan olmoqchi bo‘layotgan Fransiya, Trampdan Putinga so‘nggi ultimatum va «Tolibon»ni terrorchilar ro‘yxatidan chiqargan Rossiya - kun dayjesti
19:46 / 17.04.2025
Isroilning Eronga zarbasi Tramp tomonidan qo‘llab-quvvatlanmadi
13:43 / 15.04.2025