G‘azoda o‘ldirilgan jurnalistlar soni 182 nafarga yetdi

Yana besh nafar OAV xodimi Isroil harbiylari qo‘lidan halok bo‘ldi.

Foto: AP

G‘azo sektorida yana besh nafar ommaviy axborot vositalari xodimi Isroil harbiylari qo‘lidan halok bo‘ldi. Bu haqda G‘azo hukumati matbuot xizmati bayonotida aytiladi.

Ular orasida prodyuser Nadiya Imad al-Sayyid va radio boshlovchi imom Abdurahmon Semir at-Tanani ham bor.

Shu tariqa, 2023 yil 7 oktyabrdan buyon Isroil agressiyasi natijasida eksklavda halok bo‘lgan jurnalistlar soni 182 nafarga yetdi.

Isroil G‘azo sektorida falastinliklarga qarshi hujumni boshlagan 2023 yil 7 oktyabrdan beri o‘ldirilgan matbuot xodimlari soni 182 nafarga yetdi.

Kecha erta tongda Isroil samolyotlari G‘azo shahri g‘arbidagi Al-Shati qochqinlar lageridagi BMTning Falastinlik qochqinlarga yordam ko‘rsatish agentligi «Esma» maktabiga hujum qildi. Bino ko‘chirilgan falastinliklar uchun boshpana vazifasini o‘tagan.

#jurnalist #G‘azo

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.