Dam olish kunlari yog‘ingarchilik kutilmaydi

Bugun kunduzi Toshkent viloyati va Farg‘ona vodiysi viloyatlarida ba’zi joylarda biroz qor yog‘adi. Respublikaning qolgan hududlarida yog‘ingarchilik kutilmaydi. 

O‘zgidromet xabariga ko‘ra, shamol g‘arbdan 7–12 metr/soniya tezlikda esadi, ayrim joylarda 13–18 metr/soniyagacha kuchayadi. Havo harorati 0...+5 daraja, janubda +8 darajagacha bo‘ladi.

Dam olish kunlari O‘zbekistonning barcha hududlari bo‘yicha yog‘ingarchiliksiz ob-havo bo‘lishi kutilmoqda. Yo‘llarda ba’zi joylarda yaxmalak kuzatiladi. Shamol sharqdan 7–12 metr/soniya tezlikda esadi. Kechasi va ertalab tuman tushishi mumkin.

Harorat 21–22 dekabrda kechalari –5...–10 darajagacha pasayadi, kunduz kunlari –2...+3 daraja atrofida bo‘ladi.

Toshkent shahrida: bugun vaqti-vaqti bilan biroz qor yog‘adi, tuman tushadi. Harorat 0...+2 daraja bo‘ladi.

Shanba va yakshanba kunlari yog‘ingarchilik kutilmaydi. Harorat kechalari –5...–7 daraja, kunduz kunlari 0...+3 daraja bo‘ladi.

Yo‘llarda ba’zi joylarda yaxmalak kuzatiladi. Kechasi va ertalab tuman tushishi mumkin.