Ekologik zararlarni majburiy sug‘urtalash tizimi joriy etiladi

Prezidentning “O‘zbekiston–2030 strategiyasini Atrof-muhitni asrash va yashil iqtisodiyot yilida amalga oshirishga oid davlat dasturi to‘g‘risida”gi farmoni jamoatchilik muhokamasiga qo‘yildi. 

“Tejamkorlik va barqarorlik” tamoyili asosida davlat ishtirokidagi yirik korxonalarni transformatsiya qilish va ishlab chiqarishdan tashqari xarajatlarni 10–20 foizgacha qisqartirish maqsadida 2025 yil yakuniga qadar:

• yirik strategik korxonalar tomonidan ekologik, ijtimoiy va korporativ boshqaruv (ESG) tamoyillari asosida korporativ dasturlar ishlab chiqilib, kamida 5 ta yirik sanoat korxonasida ESG hisoboti yo‘lga qo‘yilishi va jamoatchilikka oshkor etish amaliyoti joriy etilishi;
• “O‘zbekneftgaz” AJ, “Navoiy kon-metallurgiya kombinati” AJ, “Olmaliq kon-metallurgiya kombinati” AJ, Uzairports AJ, Uzairways AJ tomonidan ESG reytingi olinishi;
• xo‘jalik faoliyatini yurituvchi korxona va tashkilotlar tomonidan yetkazilgan ekologik zararlarni majburiy sug‘urtalash tizimi bosqichma-bosqich joriy etilishi;
• Samarqand va Farg‘ona viloyatlarida tajriba-sinov tariqasida ekologik toza mahsulotlarni ishlab chiqarishga ixtisoslashgan sanoat zonalari tashkil etilishi ta’minlanadi.