Germaniyada armiyani moliyalashtirish uchun Konstitutsiya o‘zgartirildi

Germaniya prezidenti Frank-Valter Shtaynmayyer avvalroq parlament tomonidan ma’qullangan Konstitutsiyaga o‘zgartirishlar kiritish haqidagi qonunni imzoladi. O‘zgartirishlar tufayli Germaniya hukumati mamlakat mudofaasiga sarflanadigan xarajatlarni sezilarli darajada oshirishni rejalashtirmoqda, deb xabar berdi NTV.

Germaniyada qarz tormozi deb ataladigan mexanizm bor. U davlat qarzi hajmining yalpi ichki mahsulotga nisbatan 0,35 foiz chegarasidan oshib ketishiga yo‘l qo‘ymaydi. O‘zgartirishlarga ko‘ra, qonun mamlakat mudofaasi va xavfsizligi bilan bog‘liq xarajatlarga nisbatan qo‘llanilmaydigan bo‘ldi. Shu yo‘l bilan rasmiylar armiyani kuchaytirish uchun ko‘proq kredit olishi mumkin bo‘ladi.

Germaniya hukumati 500 milliard yevrogacha bo‘lgan maxsus jamg‘arma tashkil etish niyatida, uning mablag‘lari eskirgan harbiy infratuzilmani ta’mirlash yoki yangilash uchun sarflanadi.

21 mart kuni Bundesrat (Federal kengash) konstitutsiyaga o‘zgartirishlar kiritish bo‘yicha kelishib oldi. Tashabbus 69 ovozdan 53 tasini oldi.