AQSh: Ukraina bo‘yicha muzokaralar tufayli Rossiyaga bojlar joriy etilmaydi 

AQSh hukumati Ukrainada davom etayotgan tinchlik muzokaralari tufayli import bojlarini joriy qilishda Rossiya uchun istisno qildi. Bu 6 aprel, yakshanba kuni ABC telekanaliga bergan intervyusida Oq uy Milliy iqtisodiy kengashi rahbari Kevin Xassett tomonidan aytildi.

Undan nima uchun tariflar 185 ta davlatga ta’sir qilgani, biroq bir nechta istisnolardan biri Rossiya uchun qilingani haqida so‘ralgan. «Ochig‘i, Rossiya va Ukraina bilan muzokaralar davom etayotgani uchun. Menimcha, prezident bu ikki masalani aralashtirib yubormaslikka qaror qildi. Bu Rossiyaga har doim boshqa davlatlardan farqli munosabatda bo‘lishini anglatmaydi», — deydi Xasset.

U «ko‘plab rossiyaliklar va ukrainaliklarning hayotiga ta’sir qiladigan muzokaralar o‘rtasida juda ko‘p yangi narsalarni «stolga qo‘yishga» qarshi chiqdi. «Bu qabul qilinishi mumkin emas», deb hisoblaydi iqtisodchi.

«Rossiya minglab odamlarning hayotiga ta’sir qiladigan muzokaralar jarayonida. Prezident Tramp hozir aynan shu narsaga e’tibor qaratmoqda», — deya xulosa qildi Xasset.