Samarqand-Toshkent yo‘nalishida qo‘shimcha «Afrosiyob» poyezdi qatnovi yo‘lga qo‘yiladi

775/776-sonli Samarqand—Toshkent—Samarqand yo‘nalishida «Afrosiyob» elektropoyezdining qo‘shimcha qatnovi yo‘lga qo‘yiladi. Bu haqda «Temiryo‘lekspress» matbuot xizmati xabar berdi.

Qayd etilishicha, bu sayyohlar uchun qulaylik yaratish, ularning harakati uchun sharoitlarni yanada yaxshilash maqsadida amalga oshirilmoqda.

Qatnovlar 24, 25, 26, 27 aprel kunlari yo‘lga qo‘yiladi va quyidagi jadval asosida harakatlanadi:

775-sonli Samarqand—Toshkent yo‘nalishi

• Samarqand 10:55 — Toshkent 13:15.

776-sonli Toshkent—Samarqand yo‘nalishi

• Toshkent 13:56 — Samarqand 16:14.

Avvalroq 15 iyundan boshlab «Afrosiyob» poyezdlari harakati jadvaliga o‘zgarishlar kiritilishi to‘g‘risida xabar berilgandi.