Rio-2016: 22 yoshli bokschi Ramires ikki karra Olimpiya chempioni bo‘ldi, Murodjon Ahmadaliyev bronza medal sohibi

Kubalik charm qo‘lqop ustasi, 22 yoshli Robeysi Ramires Riodagi Olimpiadada boks sport turi bo‘yicha 56 kg vazn toifasida oltin medalni qo‘lga kiritdi. Kubalik final bahsida amerikalik Shakur Stivensonni mag‘lub etdi.

Qayd etish joizki, shu vazn toifasida ishtirok etgan hamyurtimiz Murodjon Axmadaliyev yarim finalda aynan Ramiresga imkoniyatni boy bergandi.

Bronza medallari rossiyalik Vladimir Nikitin va hamyurtimiz Murodjon Ahmadaliyevga nasib etdi.

Ramires, shuningdek, Londondagi Olimpiada oltin medali sohibi hisoblanadi.