Turkiyaning Diyorbakir aeroporti raketalardan o‘qqa tutildi
Turkiyaning janubidagi eng yirik shahar – Diyorbakirning aeroporti 27 avgust kuni kechki payt raketalardan o‘qqa tutildi, deb xabar bermoqda Reuters axborot agentligi.
Aeroportdagi politsiya nazorat-o‘tkazish punktiga 4 ta raketa otilgan. Xavfsizlikni ta'minlash maqsadida yo‘lovchilar va aeroport xodimlari terminallarga joylashtirildi.
Raketalar yaqin oradagi bo‘sh yotgan joyga tushgan. Jabrlanganlar va vayronalar bo‘lmagan, parvozlar jadvali buzilmagan. Aeroport asosan ichki reyslarga xizmat ko‘rsatadi.
Hujum uchun javobgarlikni hozircha hech kim o‘z zimmasiga olmadi. Ma'lumki, bu hududda 30 yildan beri kurd isyonchilari va turk kuchlari kurashib keladi.
Bundan 3 kun avval Turkiya Suriya shimolida terrorchilar va kurd ayirmachilariga qarshi harbiy operatsiyani boshlagandi.
Mavzuga oid
20:25 / 19.09.2024
Moskva aeroportlarida xorijliklar uchun yangi qoidalar joriy etiladi
10:45 / 12.09.2024
«Hech kim yordam berolmaydi» – Moskva aeroportida Rossiya fuqaroligini rad etgani uchun qaytarilgan migrant hikoyasi
08:54 / 12.09.2024
Shahrisabz aeroporti fuqaro aviatsiyasi parvozlari uchun o‘z faoliyatini tikladi
17:16 / 09.09.2024