Hakam to‘p darvozaga kirib, to‘r teshigidan chiqib ketganini payqamasdan ruslarning golini hisoblamadi

19 yoshgacha bo‘lgan qizlar o‘rtasidagi Yevro-2017 saralash musobaqasidan o‘rin olgan Isroil – Rossiya (1:1) uchrashuvini boshqargan hakam ruslarning haqqoniy golini hisoblamadi.

Ikkinchi bo‘lim vaqtida, hisob 0:0 ekanida, rossiyaliklar tezkor hujumda gol urishga muvaffaq bo‘ldi. Valeriya Zarubinaning zarbasidan keyin to‘p darvozaga kirib, to‘r teshigidan chiqib ketdi. Bosh hakam esa buni payqamay qoldi va golni inobatga olmadi.

Uchrashuv 1:1 hisobida yakunlandi.  Rossiya futbol ittifoqi bu o‘yin natijasi yuzasidan rasmiy shikoyat yozdi.

UYeFA tashkiloti yaqin orada bu vaziyatni o‘rganib chiqib, o‘z qarorini e'lon qilishi kutilmoqda.