Navoiy shahrida bo‘sh ish o‘rinlari yarmarkasi bo‘lib o‘tdi

Viloyat mehnat boshqarmasi, Navoiy shahar va Karmana tumani hokimliklari hamda boshqa tashkilotlar hamkorligida tashkil etilgan tadbirda aholi bandligini ta'minlash, ayniqsa, xotin-qizlar va yoshlarni ijtimoiy qo‘llab-quvvatlashga qaratilayotgan alohida e'tibor yuksak samaralar berayotgani ta'kidlandi. Bu haqda O‘zA xabar bermoqda.

Yarmarkada viloyatdagi 126 korxona 300 dan ziyod bo‘sh ish o‘rni bilan qatnashdi. 90 dan ortiq kishiga ishga joylashish uchun yo‘llanma berildi. Ahamiyatlisi ularning aksariyati kasb-hunar kollejini bitirgan yoshlardir.  

Yarmarka davomida ishtirokchilarga mehnat qonunchiligi bo‘yicha huquqiy maslahat va tavsiyalar berildi.