Misrda politsiyachini o‘ldirgan 7 nafar ekstremist o‘lim jazosiga mahkum qilindi

Qohira jinoyat sudi 24 sentabrda 7 nafar sudlanuvchini politsiya generalini o‘ldirganlik va terrorchilik faoliyati uchun qayta o‘lim jazosiga mahkum qildi, deb xabar bermoqda "Youm7" yangiliklar portali. Yana 5 nafar sudlanuvchi 10 yilga qamoq jazosi oldi, bir nafari oqlandi.
Sudlanuvchilar 2013 yil sentabrda Qohira yaqinidagi Al-Giza viloyatida politsiyachilarga hujumni rejalashtirgan va amalga oshirgan guruh tarkibiga kirgan. Hujum vaqtida yuqori lavozimdagi politsiya zobiti o‘ldirilgan.
2014 yilda bo‘lib o‘tgan birinchi instansiya sudi 12 sudlanuvchini o‘lim jazosiga va 10 nafarini umrbod qamoq jazosiga mahkum qilgan, bir nafarini oqlagan. O‘shanda 13 nafar sudlanuvchi yuzma-yuz sudlangan, ular hukm yuzasidan apellyatsiya berishgan. Bu apellyatsiya qabul qilinib, ishni qayta ko‘rish belgilangan. Qayta sud jarayoni bo‘yicha hukm 24 sentabrda chiqarildi.
Mavzuga oid

14:05 / 03.05.2025
Misr O‘zbekistonda qurilish yo‘nalishidagi loyihalar yuzasidan muzokara o‘tkazmoqda

12:58 / 03.05.2025
Misrda o‘zbekistonlik talabalar uyushmasi tashkil etilishi mumkin

11:11 / 03.05.2025
Misr O‘zbekistonda sport kiyimlarini ishlab chiqarishi mumkin

14:53 / 31.03.2025