Vashingtonda ommaviy qotillikni sodir etishda gumonlanayotgan shaxs Turkiyadan kelgan muhojir ekani aniqlandi

Vashington shtati, Berlington shahridagi savdo markazida o‘t ochib, 5 kishining o‘limiga sabab bo‘lishda gumon qilinayotgan shaxs Turkiyadan kelgan muhojir Arkan Chetin ekani aytilmoqda. Bu haqda KIRO 7 telekanali xabarida aytilgan.

Ouk-Xarbor shaharchasida istiqomat qilib kelgan 20 yoshli bu yigitni jinoyata undagan sabablar hozircha aniqlanmadi. U dushanba kuni Skadjit okrugida sud qilinishi kutilmoqda.

U 18 yoshida ko‘chadagi janjal uchun sudlangani, lekin jazolanmagani ma'lum. U ruhiy ekspertizadan o‘tkaziladi.

24 sentabr oqshomida Siyetl shahridan 105 km shimoldagi Berlington shahrida, Cascade Mall shahrida otishma oqibatida 4 ayol va bir erkak halok bo‘ldi.

Avvalgi xabarlarda jinoyatchi taxminan Lotin Amerikasi vakili ekani va ov miltig‘i bilan qurollangani aytilgandi.

U 24 sentabr kuni mahalliy vaqt bilan soat 19:00da qo‘lga olingan.