OAV: Alyaskada yirik neft koni aniqlandi

Caelus Energy kompaniyasi Alyaskada yirik neft koni aniqlagani haqida xabar qilgan. Bu haqda Wall Street Journal yozmoqda.

Kompaniyaning ma'lum qilishicha, neft zaxirasi Shimoliy yarim qutb doirasidan 300 mil (480 km.dan ortiq) masofada aniqlangan. U yerdan 1,8-2,4 milliard barrel neft (240-321 mln tonna) qazib olish kutilmoqda.

Agar bu ko‘rsatkichlar rost bo‘lib chiqsa, unda 2015 yil Exxon kompaniyasi Janubiy Amerikadagi Gayana sohillarida aniqlagan uglevodorod manbasidan ham ko‘proq kon aniqlangan bo‘ladi. Kompaniya bergan ma'lumotga ko‘ra, yangi ochilgan manbadan sutkasiga 200 ming barrrel neft olish imkoniyati tug‘iladi.