Turkiya janubi-sharqida reyd o‘tkazilayotgan vaqtda portlash sodir etildi
Turkiya janubi-sharqidagi Gaziantep shahri hududida politsiya maxsus amaliyot o‘tkazayotgan mahal xudkush terrorchi o‘zini portlatdi.
CNN Turk telekanali ma'lumotiga ko‘ra, politsiyachilar terrorchilar yashiringan ko‘p qavatli uyni shturm qilganida, ulardan biri o‘zini portlatgan. Portlash oqibatida 3 politsiyachi halok bo‘lib, kamida 10 kishi jarohatlangan.
Ayni vaqtda shaharda boshqa terrorchilarni bartaraf etish bo‘yicha amaliyot o‘tkazilmoqda. Bu terrorchilar ham xudkush bo‘lishi istisno qilinmagan.
Gaziantep aholisi ehtiyot bo‘lishga chaqirilgan.
Eslatib o‘tamiz, avgust oyida Gaziantepdagi to‘y marosimida xudkush terrorchi o‘zini portlatishi oqibatida 56 kishi halok bo‘lgandi. Mamlakat prezidenti Rajab Toyib Erdo‘g‘an bu terakt 14 yoshgacha bo‘lgan 2 o‘smir tomonidan sodir etilganini ma'lum qilgandi.
Mavzuga oid
18:25 / 03.10.2024
«Krokus» ishiga aloqador shaxslar yana bir teraktni tayyorlashda ayblandi
17:58 / 11.09.2024
AQSh tarixidagi eng yirik terakt - 11 sentabr voqealarini aks ettirgan suratlar
09:15 / 10.09.2024
Belgiya: chechenistonlik shaxs teraktga tayyorgarlik ko‘rgani uchun 15 yilga qamaldi
19:40 / 01.09.2024