"Manchester Siti" ketma-ket olti o‘yindan keyin g‘alaba qozondi, Mourinoning esa omadsizliklari davom etadi

Angliya Premer-ligasining 10-turi doirasida "Manchester Siti" jamoasi safarda "Vest Bromvich"ga qarshi maydonga tushdi. Olti o‘yindan beri g‘alaba qozona olmayotgan "shaharliklar" nihoyat uch ochkoga ega bo‘ldi. Ushbu o‘yinda "Manchester Siti" 4:0 hisobida g‘alaba qozondi. 

Joze Mourino boshchiligidagi "Manchester Yunayted" esa uyda "Byornli"ga qarshi maydonga tushdi. Kutilmaganda bahs 0:0 hisobida yakunlandi. E'tiborlisi, uchrashuvni "mankunianliklar" bir kishi kam bo‘lib tugatishdi. Ander Errera qizil kartochka olib maydonni tark etdi. 

"Vest Bromvich" – "Manchester Siti" – 0:4
Gollar: Aguero, 19 (0:1); Aguero, 28 (0:2); Gundo‘g‘an, 79 (0:3); Gundo‘g‘an, 90 (0:4).
Ogohlantirishlar: Douson, 16; Olsson, 21; Morrison, 53; Makklin, 56 – Nolito, 15; Kolarov, 62; Fernando, 76.

"Manchester Yunayted" – "Byornli" – 0:0
Ogohlantirishlar: Errera, 33; Pogba, 84 – Flenagan, 67; Marni, 90+2; Xiton, 90+3.
Chetlatish: Errera, 68.