Tailanddagi YTH natijasida 12 kishi va 63 transport vositasiga ziyon yetdi

Tailandning markaziy qismidagi Patxumtxani provinsiyasida yo‘lovchi avtobus ishtirokidagi YTH natijasida 12 kishi jarohatlandi. Bu haqida 2 noyabr, chorshanba kuni mahalliy politsiya xabariga asoslanib, TASS nashri ma'lum qildi. 

Huquqni muhofaza qilish organlari ma'lumotlariga ko‘ra, yo‘lovchisiz, katta tezlikda ketayotgan avtobus haydovchisi boshqaruv nazoratini yo‘qotib qo‘ygan. Buning natijasida avtobus dastlab yo‘l yoqasida turgan 18 avtomobilni urib ketgan, keyin esa mototsikllar sotiluvchi do‘kondagi 43 transport vositasiga ziyon yetkazagan. YTH natijasida jabrlangan 12 kishidan 7 nafarini shifoxonaga yotqizishga to‘g‘ri kelgan.

Politsiyaning xabar berishicha, dastlabki ma'lumotlarga ko‘ra, avtobusning tormozi ishlamay qolgan va bu YTHga sabab bo‘lgan. YTH yuzasidan tergov ishi olib borilmoqda.