Panasonic yil oxirigacha tarjimon-megafonni taqdim etadi

Yaponiyaning Panasonic korporatsiyasi yil oxirigacha yapon tilidan uch tilga avtomatik ravishda tarjima qila oladigan megafonni taqdim etishni rejalashtirayapti. Gap, ingliz, xitoy va koreys tili haqida bormoqda, deb xabar qilgan Kiodo axborot agentligi.

Ishlab chiqaruvchilarning fikricha, ushbu qurilmalar odamlar gavjum bo‘ladigan joylarda juda foydalidir. Metro bekatlari, shahar ko‘chalaridagi turli anjumanlar chog‘ida u egasiga yordamchi bo‘lishi shubhasiz. 

Megafon xotirasiga dastlab, eng keng tarqalgan 300ga yaqin so‘z kiritiladi, Xususan: "ehtiyot bo‘ling", "poyezdning jo‘nashi kechikadi" kabi so‘zlar. Undagi mikrofon to‘rt tildan birida so‘zlayotgan inson nutqini shovqin kuchli bo‘lgan holatlarda ham taniy oladi. Foydalanuvchi megafonni qo‘llash chog‘ida internetdan qo‘shimcha so‘zlarni yuklab olishi yoki o‘zi mustaqil kiritishi mumkin. 

Kompaniya keyinchalik zaruratga ko‘ra, boshqa tillarni ham kiritishni rejalashtirmoqda.