Nadejda Savchenko mustaqil siyosatchi bo‘lmoqchi

Ukraina xalq deputati Nadejda Savchenko o‘zining mustaqil siyosiy faoliyatini boshlashi haqida e'lon qildi, deb xabar qilmoqda «Interfaks».

«Men partiyaga a'zo bo‘lmayman. Men mustaqil siyosatchi bo‘laman. O‘z fondimni ochaman», — degan deputat. 

Savchenko shuningdek, siyosiy partiya tuzish niyatida ekanini ham bildirgan. 

Shu bilan birga, Savchenko Ukraina Oliy radasidagi «Batkivshina» partiyasi fraksiyasi tarkibidan chiqish niyati yo‘qligini ham qo‘shimcha qilgan.