YeChL pley-off bosqichiga chiqqan barcha jamoa nomi ma'lum bo‘ldi

Yevropa chempionlar ligasining guruh bosqichi o‘yinlari yakunlanib fevral oyida boshlanadigan pley-off bosqichida ishtirok etadigan barcha 16 jamoa nomi ma'lum bo‘lib ulgurdi.

8ta guruhda birinchi o‘rinni qo‘lga kiritgan jamoalar: «Arsenal», «Napoli», «Barselona», «Atletiko», «Monako», «Borussiya D», «Lester», «Yuventus».

Ikkinchi o‘rin bilan yo‘llanmani qo‘lga kiritganlar: «PSJ», «Benfika», «Manchester Siti», «Bavariya», «Bayyer», «Real», «Portu», «Sevilya».

1/8 final uchun qur'ada jamoalar aynan mana shu ko‘rinishda savatchalarga bo‘lib chiqiladi. Bitta mamlakatning ikkita jamoasi bu bosqichda o‘zaro ro‘baro‘ kelishmaydi.