Janubiy Koreya sohil qo‘riqlash xizmati KXDRlik sakkiz baliqchini qutqardi

Foto: AP

Janubiy Koreya sohil qo‘riqlash xizmati KXDRdan bo‘lgan sakkiz nafar baliqchini qutqarib oldi. Ularning barchasi o‘z yurtiga qaytib ketishni xohlashmoqda.

Renxap agentligining xabar berishicha, baliqchilar janubiy koreya suvlarida harakatlanib yurgan uchta qayiqda joylashtirilgan.

Ta'kidlanishicha, mamlakat hukumati Shimoliy Koreya bilan baliqchilarni topshirish bo‘yicha muloqotga kirishmoqchi bo‘ldi, biroq hozircha hech qanday javob olishmagan.

"Biz KXDRga kun davomida yana bir bora xabar jo‘natamiz. Ob-havo sharoitlarini hisobga olgan holda ularni vatanlariga dushanba kuni qaytarishni rejalashtirmoqdamiz", - deya aytib o‘tgan agentlik manbasi.