Toshkentdagi barcha avtobus bekatlariga ma'lumot tablolari o‘rnatiladi

«Toshshahartransxizmat» Toshkentdagi barcha avtobus bekatlariga ma'lumot tablolarini o‘rnatishni rejalashtirmoqda. Bu haqda kompaniya saytida xabar berildi.

Ayni damda avtobuslar harakati va boshqa foydali ma'lumotlar (valyutalar kursi, ob-havo) bo‘lgan tablolar bir necha bekatlarda o‘rnatilgan. Ular orasida: «6-chi tug‘ruqxona», «Dunyo supermarketi», «Chimyon do‘koni» va «Grand Mir Hotel» bor.

Tablolar bir sutka davomida 24 soat ishlamoqda. Shu bilan bir qatorda, avtobuslar harakati haqidagi ma'lumot 6:00 dan 23:00 gacha taqdim etiladi.

Loyiha «Toshshahartransxizmat» va «Toshtransdispetcherxizmat» tomonidan Grand Technology Systems kompaniyasi bilan hamkorlikda amalga oshirilmoqda.