Rossiyaning Suriyadagi elchixonasi snaryadlardan o‘qqa tutildi

Rossiyaning Suriyadagi elchixonasi jangarilar tomondan snaryadlardan o‘qqa tutildi, deb  ma'lum qildi Rossiya tashqi ishlar vazirligining axborot va matbuot departamenti.

"Bitta mina Rossiya elchixonasi ma'muriy binolari majmuasi ichki hovlisida baxtli tasodif portlamay qoldi. Ikkinchisi esa elchixonaning bevosita yaqiniga tushgan. Portlamay qolgan snaryadlarni minasizlashtirish uchun sapyorlar jalb qilindi", deb aytilgan xabarda.

Ta'kidlanishicha, jangarilar snaryadlarni elchixonaga Moskva vaqti bilan soat 13.00 va 13.19da otgan.  

Vazirlikda Suriya poytaxti yaqinida izg‘ib yurgan guruhlar tomonidan Rossiya elchixonasi va xodimlariga tahdid saqlanib qolmoqda, deb hisoblanmoqda va bu terrorchilik o‘choqlarini yo‘q qilish zarurligini tasdiqlaydi.

"Damashqda Rossiya elchixonasining takroran o‘qqa tutilishi tegishli baho olishi va terrorchilik tahdidlariga haqiqatan ham kurashuvchi barcha tomondan qat'iyan qoralanishi kerak", deb aytildi vazirlikda.

Rossiya elchixonasi birinchi marta hujumga uchramayapti. Oktyabrdagi shunday hujumlardan birida elchixonaga jiddiy moddiy zarar yetkazilgandi.