«Manchester Yunayted» yetti yildan buyon erisha olmayotgan natijasini takrorladi

«Manchester Yunayted» g‘alabalari seriyasini davom ettirmoqda.

Joze Mourino jamoasi Angliya kubogining «Reding»ga qarshi uchrashuvida (4:0) g‘alaba qozondi va barcha musobaqalarni qo‘shib hisoblaganda g‘alabali o‘yinlari sonini 8taga yetkazib oldi, deya yozmoqda Tribuna.uz.

Bungacha manchesterliklar «Zarya» (2:0), «Tottenhem» (2:0), «Kristal Pelas» (2:1), «Vest Bromvich» (2:0), «Sanderlend» (3:1), «Midlsbro» (2:1) va «Vest Hem»dan (2:0) ustun kelgandi.

«Manchester Yunayted» so‘nggi marta 8 uchrashuvdan iborat g‘alabali seriyasini 2009 yilning sentabrida o‘tkazgandi.